Cercle de Pardon© · Lola & Marco
Eng Invitatioun, dir Zäit fir dech ze huelen
Mir invitéieren dech häerzlech op e Cercle de Pardon© bei eis zu Esch-Uelzecht. An engem klenge Grupp huele mir eis Zäit, fir zur Rou ze kommen an eis mam Verzeien ze beschäftegen.
Du brauchs deng perséinlech Geschicht net ze erzielen. Alles ass fräiwëlleg, an du gees an dengem eegene Rhythmus. Mir begleeden dech duerch déi eenzel Schrëtt.
All Detailer zum nächste Krees fënns du hei ënnendrënner.
De Krees dauert ongeféier zwou an eng hallef Stonn.
Duerno kanns du gär nach fir e gemittlechen Ausklang bleiwen.
1. Fro per WhatsApp no enger fräier Plaz
Tipp einfach op de grénge WhatsApp-Knäppchen ënnen riets. D'Noriicht ass schonn ugefaangen, du brauchs just nach däin Numm a Virnumm derbäizesetzen. Mir kucken, ob nach eng Plaz fräi ass, a mellen eis bei dir. Du kanns eis och direkt op +352 691 643 019 schreiwen.
Sou mells du dech un
D’Umeldung geet an dräi Schrëtt.
2. Bezuel deng Plaz
Wann nach eng Plaz fräi ass, schécke mir dir eng Wero-Bezuelungsufro vu 25 € op deng Nummer. Du brauchs se just an denger Bank-App ze bestätegen.
3. Du kriss deng Bestätegung an d’Adress
Nom Agank vun der Bezuelung bestätege mir deng Umeldung op WhatsApp a schécken dir déi genee Adress.
Lola & Marco
Mir sinn d’Lola an de Marco a freeën eis, dech bei eis zu Esch-Uelzecht ze begréissen.
Eis ass wichteg, datt s du dech wëllkomm fills a mat Respekt empfaange gëss. Mir huele eis Zäit, fir nozelauschteren, den Oflaf ze erklären an dech roueg duerch déi eenzel Schrëtt ze begleeden. Dobäi bleift Plaz fir däin eegene Rhythmus.
Mir si Membere vun der Association Pardon International (API). Mir goufe vun hir forméiert an autoriséiert, fir Cercles de Pardon© ze begleeden.
wou kommen d’Cercles de Pardon© hier?
D’Cercles de Pardon© goufen 2012 vum Olivier Clerc an d’Liewe geruff. Si sinn inspiréiert vu senger Begéinung mam Don Miguel Ruiz a Mexiko a vu sengem Buch „Le Don du Pardon“.
Zanter 2015 bréngt d’Association Pardon International déi Leit zesummen, déi forméiert goufen, fir dës Kreeser ze begleeden. Si ënnerstëtzt si bei hirer Begleedung a setzt sech dofir an, datt d’Grondgedanke vun dëser Approche respektéiert ginn.
Heefeg Froen
Wat ass e Cercle de Pardon© ?
E Cercle de Pardon© ass e rouegt, geféiert Zesummesinn a klenger Grupp. Mir beschäftegen eis mam Verzeien duerch kuerz Erklärungen, Momenter vu Stëll, geféiert Visualiséierungen a symbolesch Gesten.
Dobäi geet et net drëm, seng perséinlech Geschicht virun der Grupp ze erzielen. Du kanns deelhuelen, ouni ze erklären, wat s du erlieft hues oder wat dech beschäftegt.
Verzeien ass ëmmer fräiwëlleg. Et heescht weder, erlidden Onrecht guttzeheeschen, nach eng Bezéiung erëm opzehuelen. Keen erwaart vun dir, datt s du op dësem Nomëtteg engem verzeis oder e bestëmmt Resultat erreechs.
Mir maachen och keng Heelungsverspriechen.
Fir wien ass de Krees?
De Krees ass fir Mënschen, déi sech Zäit fir sech selwer wëllen huelen an sech an engem rouegen a respektvolle Kader mam Verzeie beschäftege wëllen.
Du brauchs keng bestëmmte reliéis Iwwerzeegung. Du bass och wëllkomm, wann s du nach net genee weess, wat Verzeie fir dech bedeit, oder wann s du fir d’éischt wëlls entdecken, wéi esou e Krees ofleeft.
Wéi leeft den Nomëtteg of?
Mir fänken um 15 Auer un. Wärend dem Krees wiessele mir kuerz Erklärungen, Momenter vu Stëll, geféiert Visualiséierungen a symbolesch Gesten of.
Mir erklären dir déi eenzel Schrëtt a begleeden dech duerch den Oflaf. Du entscheets selwer, wéi s du matmaache wëlls. Et gëtt keng Verpflichtung, deng perséinlech Geschicht ze erzielen.
De Krees dauert ongeféier zwou an eng hallef Stonn a geet géint 17:30 Auer op en Enn.
Muss ech meng perséinlech Geschicht erzielen?
Nee. Du brauchs weder virun der Grupp ze erzielen, wat s du erlieft hues, nach ze erklären, firwat s du dobäi bass. Du entscheets selwer, ob a wat s du deele wëlls.
Muss ech engem verzeien?
Nee. Verzeien ass ëmmer fräiwëlleg. Du muss näischt forcéieren an och kee bestëmmt Resultat erreechen.
Verzeien heescht net, erlidden Onrecht guttzeheeschen. Et bedeit och net, datt s du eng Bezéiung erëm ophuele muss.
A wéi enger Sprooch ass de Krees?
Am Prinzip ass de Krees op Lëtzebuergesch. Wann et néideg ass, kënne mir och Franséisch schwätzen.
Schreif eis bei denger Ufro einfach, wéi eng Sprooch s du léiwer hues.
Muss ech nom Krees bleiwen?
Nee. De gemeinsame Krees ass géint 17:30 Auer eriwwer. Duerno kanns du heemgoen oder nach fir e gemittlechen Ausklang bleiwen.
Och eppes z’iessen oder ze drénke matzebréngen ass fräiwëlleg.
Wat ass, wann ech ofsoe muss?
Wann s du spéitstens 24 Stonne virum Ufank ofsees, kriss du de bezuelte Betrag zeréck.
Bei enger méi spéider Ofso behale mir de Betrag, fir eis Fraisen ze decken.
Ech hunn nach eng Fro virun der Umeldung.
Tipp op de grénge WhatsApp-Knäppchen ënnen riets a schreif eis. Mir äntweren dir, fir datt s du a Rou entscheede kanns, ob s du dobäi wëlls sinn.
E gemittlechen Ausklang
Nom Krees kanns du gär nach bleiwen, fir zesummen e bëssen Zäit ze verbréngen.
Wann s du Loscht hues, bréng eppes z’iessen oder ze drénke mat. Dat ass fräiwëlleg, genee wéi d’Bleiwen nom Krees.
Kontakt
Lola & Marco
Esch-Uelzecht, Lëtzebuerg
E-Mail: lolama@marcothome.me
WhatsApp: +352 691 643 019
Mir si Membere vun der Association Pardon International (API). Mir goufe vun hir forméiert an autoriséiert, fir Cercles de Pardon© ze begleeden.
